Се купи[ли] бояре, i староста Федоръ АндрЪевъ святаго Михаила, i вся лука Низовъская у Назарья у Юрьева сына полсела земли в Рыболовли курье, отчину его, дворъ i дворище, i гуменникъ, i орамые земли, пожни и с притеребы, i лЪсы, i перевЪсища, i в водахъ ловища, i в хмелникахъ половина, i гдЪ ему ни досталося в отдЪле от братьи своихъ. I то все купили в домъ святому Михаилу водерень. А дЪлные ихъ у Юрья Федоровица. А дали на тои земли девять сороковъ бЪлки i приполонка жита сЪмянного. А купили тЪми кунами тЪ земли i всякие угодья iгумену Андреяну святаго Михаила в домъ по своихъ отцы i по матери в поминанье. На то послухи: Терентеи Мартемьяновъ Iгуменовъ да Степанъ Семеновъ, Федоръ Мироновъ, Козма Андрониковъ. А купчую подлинную грамоту писалъ попъ Василеи у святаго Михаила Николскои. (В списке: Николсколскои.) А у печати стоялъ самъ Назареи Юрьевъ.